1.Цаг агаар:
Өнгөрсөн хоногт: Баян-Өлгий, Баянхонгор, Завхан, Орхон, Сэлэнгэ, Увс, Хөвсгөл аймгуудад цас орсон. Бусад нутгаар цаг агаар тогтуун байсан.
Өнөөдөр: Ихэнх нутгаар үүлэрхэг. Төвийн аймгуудын ихэнх нутаг, баруун аймгуудын нутгийн зарим газар, зүүн аймгуудын нутгийн хойд хэсгээр цас орж, цасан шуурга шуурна. Бусад нутгаар хур тунадас орохгүй. Салхи говь болон зүүн аймгуудын нутгаар баруун өмнөөс, бусад нутгаар баруун хойноос секундэд 6-11 метр, зарим газраар секундэд 14-16 метр хүрч ширүүснэ. Дархадын хотгор, Алтай, Хангай, Хөвсгөлийн уулархаг нутаг, Хүрэн бэлчир орчим, Завхан голын эх, Идэр, Тэс голын хөндийгөөр 2-7 градус хүйтэн, Хэнтэйн уулархаг нутаг, Хараа, Ерөө, Орхон-Сэлэнгэ, Туул, Тэрэлж голын хөндийгөөр 2 градус дулаанаас 3 градус хүйтэн, Алтайн өвөр говь болон говийн бүс нутгийн хойд хэсгээр 6-11 градус, говийн бүс нутгийн өмнөд хэсэг, Дорнод, Дарьгангийн тал нутгаар 12-17 градус, бусад нутгаар 1-6 градус дулаан байна.
Улаанбаатар хотод: Үүлшинэ. Ялимгүй хур тунадас орно. Салхи баруун өмнөөс хойш эргэж секундэд 6-11 метр, зарим үед секундэд 13-15 метр хүрч ширүүснэ. 3-5 градус дулаан байна.
Төлөв байдал: 23-нд баруун аймгуудын нутгийн зүүн өмнөд, говийн аймгуудын нутгийн өмнөд хэсгээр, 24-нд говийн аймгуудын нутгийн зүүн, зүүн аймгуудын нутгийн өмнөд хэсгээр нойтон цас орж, цасан шуурга шуурна, 26-нд баруун аймгуудын нутгийн зарим газраар хур тунадас орно. Салхи 23-нд говь, талын нутгаар, 25-нд Алтайн салбар уулсаар, 26-нд зарим газраар түр зуур секундэд 16-18 метр хүртэл ширүүсч шороон шуурга шуурна. Дархадын хотгор, Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэн бэлчир орчим, Хараа, Ерөө, Туул, Тэрэлж голын хөндийгөөр шөнөдөө 15-20 градус, өдөртөө 1-6 градус хүйтэн, Алтайн өвөр говиор шөнөдөө 4 градус хүйтнээс 1 градус дулаан, өдөртөө 7-12 градус дулаан, бусад нутгаар шөнөдөө 7-12 градус хүйтэн, өдөртөө 4 градус дулаанаас 1 градус хүйтэн байна. 25-наас ихэнх нутгаар өдөртөө бага зэрэг дулаарна.
2.Гал түймэр:
Хувийн өмчид гарсан: Нийслэлийн Сонгинохайрхан дүүргийн 19 дүгээр хороонд 15х7 метрийн хэмжээтэй гараашийн дээвэр шатаж байна гэсэн дуудлагыг 10.21-ний өдрийн 09:33 цагтхүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтай 1,5 км замыг туулан 09:35 цагт очиж 20 минут ажиллаж унтраасан.
Дундговь аймгийн Сайнцагаан сумын Боржигон багт иргэн Б-гийн эзэмшлийн “Хьюндай Соната” загварын суудлын автомашин шатаж байна гэсэн дуудлагыг 10.21-ний өдрийн 12.21 цагт хүлээн авч тус аймгийн Онцгой байдлын газрын Гал түймэр унтраах, аврах 25 дугаар ангийн 6 алба хаагч, 1 автомашинтайгаар 2 км замыг туулан 12:25 цагт очиж, 15 минут ажиллаж унтраасан.
Нийслэлийн Хан-Уул дүүргийн 2 дугаар хороонд байранд гал гарч байна гэсэн дуудлагыг 10.21-ний өдрийн 14:00 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 8 алба хаагч, 2 автомашинтай 1 км замыг туулан 14:02 цагт очиж цахилгаан тогоо залгаж орхисон байсныг зөөврийн ус ашиглан унтраасан. Иргэн Т /83 настай, эрэгтэй/ Т /22 настай, эрэгтэй/ аварч гарган Нийслэлийн түргэн тусламжийн төвийн эмчид хүлээлгэн өгсөн.
Баянзүрх дүүргийн 27 дугаар хороонд 5 ханатай гэр шатаж байна гэсэн дуудлагыг 10.21-ний өдрийн 17:12 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дугаар ангийн 8 алба хаагч, 2 автомашинтай 6 км замыг туулан 17:19 цагт очиж 15 минут ажиллаж унтраасан. Иргэн Д /50 настай, эрэгтэй/ галд түлэгдэж нас барсаныг Баянзүрх дүүргийн цагдаагийн 2 дугаар хэлтэст хүлээлгэн өгсөн.
Чингэлтэй дүүргийн 18 дугаар хороо, 7 буудал орох замын зорчих хэсэгт иргэн Х-гийн “Волксвагна” загварын суудлын автомашин шатаж байна гэсэн дуудлагыг 10.21-ний өдрийн 20:57 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 алба хаагч, 2 автомашинтай 1,5 км замыг туулан 21:00 цагт очиж 5 минут ажиллаж унтраасан.
3.Ой, хээрийн түймэр:
Хээрийн түймэр: Сүхбаатар аймгийн Сүхбаатар сумын Ланз багийн “Хавхаастай” гэдэг газар /сумын төвөөс баруун урд зүгт 40 км-т, аймгийн төвөөс зүүн урд зүгт 50 км-т/ хээрийн түймэр гарч байна гэсэн дуудлагыг 10.21-ний өдрийн 16:41 цагт хүлээн авч тус аймгийн Онцгой байдлын газрын Эрэн хайх, аврах салбарын 12 алба хаагч, 1 автомашинтай 50 км замыг туулан 18:07 цагт очиж, 01:53 цаг ажиллан унтрааж, тус сумын Байгаль орчны байцаагчид хүлээлгэн өгсөн. Шатсан талбай 10 га.
4.Эрэн хайх, аврах ажиллагаа:
Эрэн хайх ажиллагаа /төөрсөн/: Увс аймгийн Сагил сумын Үүрэг нуур багийн нутагт орших “Үүрэг” нуурын ойролцоо /аймгийн төвөөс хойд зүгт 100 км-т/ Бөхмөрөн сумаас Улаангом сумын чиглэлд явж байсан /16 том хүн, 3 хүүхэдтэй/ “Стана”, Ланд-200, Приус-20 загварын автомашин-2, нийт 4 автомашин цасанд боогдсон тухай дуудлагыг 10.21-ний өдрийн 21:00 цагт хүлээн авсан. Тус аймгийн Онцгой байдлын газрын Гал түймэр унтраах, аврах 41 дүгээр ангийн 5 алба хаагч, 1 автомашинтай 21:35 цагт хөдөлгөөн үйлдэн 100 км зам туулан 04:00 очиж иргэн Б /45 настай, эрэгтэй/ эзэмшигчтэй “Стана” загварын автомашин, У /27 настай, эрэгтэй/ эзэмшигчтэй Ланд-200 загварын автомашин, Б /33 настай, эрэгтэй/ эзэмшигчтэй Приус-20 загварын автомашин, Л /45 настай, эрэгтэй/ эзэмшигчтэй Приус-20 загварын автомашинтай, нийт 19 хүн цасанд боогдсон байсныг 1 цаг 30 минут ажиллаж автомашинуудыг татан гаргасан.
Увс аймгийн Тариалан сумын Бургастай багийн “Бургастай” гэдэг газар /аймгийн төвөөс баруун урд зүгт 90 км-т/ иргэн Т /38 настай, эрэгтэй/, Б /37 настай, эмэгтэй/ “Ниссан атлас” загварын автомашинтай цасан шуурганд замаа алдаж, замын хажуу руу орсон тухай дуудлагыг 10.21-ний өдрийн 21:20 цагт хүлээн авсан. Тус аймгийн Онцгой байдлын газрын Гал түймэр унтраах, аврах 41 дүгээр ангийн 4 алба хаагч, 1 автомашинтай 21:00 цагт ангийн байрлалаас хөдөлгөөн үйлдэн 70 км зам туулан 23:00 цагт очиж 14 минут ажиллаж автомашиныг татан гаргасан.
Эрэн хайх ажиллагаа /сураггүй болсон/: Сүхбаатар аймгийн Баруун-Урт сумын 5 дугаар багийн нутаг Ерөнхий боловсролын сургуулийн зүүн талд байрлах нүхэнд /хуучин зоорь байсан, гүн нь 3м/ тус сургуулийн 4 дүгээр ангийн сурагч Г /9 настай, эмэгтэй/ унасан тухай дуудлагыг 10.21-ний өдрийн 10:40 цагт хүлээн авсан. Тус аймгийн Онцгой байдлын газрын Эрэн хайх, аврах салбарын 4 алба хаагч, 1 автомашинтай 0,5 км замыг туулан 10:42 цагт очиж, 5 минут ажиллаж сурагч Г-г гарган авч, сургуулийн захиралд хүлээлгэн өгсөн.
Дорнод аймгийн Гурванзагал сумын Рашаант багийн “Хонхор шүүт” гэдэг газар /сумын төвөөс хойд зүгт 7 км-т/ Ц 3 настай, эрэгтэй хүүхэд гэрийнхээ гадаа тоглож байгаад сураггүй алга болсон тухай дуудлагыг 10.21-ний өдрийн 13:30 цагт хүлээн авч тус аймгийн Онцгой байдлын газрын Эрэн хайх, аврах ангийн 9 алба хаагч, 2 автомашинтай 142 км замыг туулан 16:09 цагт очиж, 2 цаг 8 минут ажиллаж, 18:17 цагт алга болсон Ц-г гэрээс баруун зүгт 200 метрт байрлах хуучин өрмийн 3 метр гүнтэй нүхнээс гарган авч, сумын Эрүүл мэндийн байгууллагад хүлээлгэн өгсөн.
Увс аймгийн Наранбулаг сумын Алдар багийн “Цагаан Тэсхэн” гэдэг газар /сумаас зүүн зүгт 130 км-т/ иргэн Н /28 настай, эрэгтэй/ 10.21-ний 21:00 цагт малынхаа араас гараад сураггүй болсон тухай дуудлагыг 10.22-ны өдрийн 02:25 цагт хүлээн авсан. Тус аймгийн Онцгой байдлын газрын Гал түймэр унтраах, аврах 41 дүгээр ангийн 4 алба хаагч, 1 автомашинтай 02:43 цагт ангийн байрлалаас хөдөлсөн 60 км зам туулан очиж малчин Н-ийг гэрээс нь зүүн хойд зүгт 14 км-т “Шар унхарга” гэдэг газар байсныг эсэн мэнд олж ар гэрт нь хүлээлгэж өгсөн.
ОНЦГОЙ БАЙДЛЫН ЕРӨНХИЙ ГАЗАР